Monday, May 14, 2012

Poem


လူအတုရဲ့ရေစိုအတောင်များ

လူဖြစ်ချင်ယောင်ဆောင်ထားတဲ့
လူအတုတွေနဲ့
နေ့စဉ်လူလုပ်တမ်း ကစားနေကြရ…

လူမဖြစ်သေးခင်မှာပဲ
အဲဒီလူတွေရဲ့
ဖြော့တော့တော့ လူ့ယဉ်ကျေးမှုအကြောင်း
သင်ကြားပေးခြင်းခံရ…

ကိုယ့်ဖြစ်တည်မှု ကိုပြန်ရှာနေချိန်
လူမှုရေးသားကောင်ဖြစ်ဖို့
လူဖြစ်ချင်ယောင်ပြန်ဆောင်ရ…

မဖြစ်စလောက်ရပ်တည်မှုအတွက်
တွန်းပို့ကြ၊ ဆွဲချကြ၊
မိုက်မဲကြ၊ တိုက်ခိုက်ကြ…

ကျဉ်းထဲကျပ်ထဲက မိုးခါးရေတွေ
တစ်ခြားသူတွေကို
အဓမ္မ သောက်...ခိုင်း...ကြ...ရင်း…

နောက်ဆုံး
ပျံလို့မရနိုင်တဲ့ ရေစိုအတောင်တွေ
ကိုယ့်ကိုယ်ကို ပြန်အမေ့ခံဖို့
ကိုယ့်ကိုယ်ကို ပြန်တပ်ဆင်ပေးကြ…

မြတ်ကျော်သူ
12:41 AM,
Thu 19, April, 2012

No comments:

Post a Comment